धुंदी
पुन्हा एकटी सायंकाळी
धुंद सुगंधित गाफील वेळी
लटक्या लाडे होऊन वेली
शिशिर तरुला बिलगु नको ग
या प्रीतीला छेडू नको ……..
गाल तुझे ग लाल गुलाबी
डोळ्यामधले शराब पाणी
ओठावरती हसून कळी
अंतरातून लाजू नको ग
.........
शब्द तुझे ग मार्दव गाणी
इश्य इश्य हि मंजुळ वाणी
सहवासातुनी अत्तरदाणी
माझ्यावरती उडवू नको ग
........
रागावीशी धुसपुसते वेणी
चाल तुझी ग उडते वेणी
झटका मारून उगाच राणी
मला दावणी बांधू नको ग
.........
हृदयि तुझिया असो विराणी
घेऊन येईन रात्र चांदणी
भुलून जाऊन एक लावणी
मला ऐकवून पाहू नको ग.......
रचना: हेमंत केतकर
No comments:
Post a Comment