कवी आणि कविता

बिंबातून  प्रतिबिंब रंगले

अव्यक्तातून व्यक्त बहरले

कविजनांनी हृदय ओतले

इंद्रधनू काव्यात उमटले.......

शब्द सागरी रत्न हुडकता         

पाऊल वाटा नव्या तुडवता

त्या वाटांचा रमणीय नकाशा

काव्यातून जो उलगडलेला .......

कवी कल्पनि चित्र रेखितो

शब्द रथा वा धरू पाहतो

कधी गुंफतो जीवन वास्तव

प्रतीबिंबानी जरी ते नश्वर ........

"तू बिंब" कवीला कुणी म्हणाले

कवितेला प्रतिबिंब बोलले

किरणानी  न्हाऊन उजळले

रसिक जनांचे अथांग मेळे .........

रचना: हेमंत केतकर