ऋतूंनी चक्रात फिरायचे असते
सृष्ठीला सर्व जगवायचे असते
सूर्याने उन्ह शिंपडायचे असते
मातीने भाजून निघायचे असते
बर्फाने हळू वितळायचे असते
पावसाने कुठे बरसायचे असते
कळीने गुपचूप उमलायचे असते
पाकळ्यांनी रंग वाटायचे असते
फुलांनी गंध उधळायचे असते
कोषानी मध साठवायचे असते
पक्षी कीटकांनी विहारायचे असते
चहूकडे पराग विखरायचे असते
फळांनी पुष्ठ पिकत जायचे असते
आणि जीवांना जगवायचे असते
वृक्ष लतांनी रोज वाढायचे असते
खोडांनी फांद्याना पेलायचे असते
पानांनी अन्नास बनवायचे असते
थंडीत निमूटपणे गळायचे असते
झाडांनी छायेस पांघरायचे असते
बियांनी एकवार रुजायचे असते
मग मानवाने काय करायचे असते?
चक्रा फक्त फिरू द्यायचे असते, चक्रा फक्त फिरू द्यायचे असते
रचना: हेमंत केतकर
No comments:
Post a Comment