शोध- बोध

नैतिकतेच्या भ्रमरामागे वृथा धावलो आजवरी
कमल लोचने वाट पाहुनी  पहा थबकली दूरवरी

मर्यादेचे फास बांधुनी उगा डोललो झुल्यावरी
स्वप्नामधले पंख बांधुनी हृदय शोधते एक परी

लगाम लावूनी मनास माझा कशा थांबलो ऐलतीरी
तारुण्याची तृषा भागते वास्तवतेच्या  पैलतीरी

सावधतेच्या शालीमधुनी विरघळले क्षण पटावरी
निसर्गनिर्मित सहज शीलता दीर्घ उसासे तटावरी
रचना: हेमंत केतकर