मन आणि बुद्धी
जसे पक्षी आणि वृक्ष
मन वृक्षावरी बैसे
पक्षी आनंदाने डोले
मन उडाले उडाले
बुद्धी खिन्नतेने बोले
मन उडे भिर भिर
करे बुद्धी कीर कीर
पेटे उन्हाची ती झळ
मना वृक्ष हेच स्थळ
पक्षी वृक्षाचा हा मेळ
वृक्षी पक्षाचे ते घर
सजे सुक्या फांदीवर
आला सोसाट्याचा वारा
राहे मनाला न थारा
पक्षी उडाला उडाला
वृक्ष एकटा राहिला
गेले वादळ सरुनी
पक्षी विसावे फिरुनी
पक्षी वृक्षाचा हा खेळ
मन बुद्धीचाच मेळ
रचना: हेमंत केतकर
No comments:
Post a Comment