मुक्ताई

मुक्ताई
जीवन मुक्त असू दे गाथा
सदगुरूचरणी झुकू दे माथा
उंच जीवाची घेई भरारी
कैलासावर शिव त्रिपुरारी

बेहोशी मायेची नसावी
सोsहम चित्ती जाण वसावी
काळ वेळ हा जीवन मेवा 
ब्रह्म खुंटीला बांधून घ्यावा

षट शत्रूंचा सहज पिंजरा
मला न व्हावा कधी निवारा
निसर्ग माता माय भवानी
भय मेघांचे व्हावे पाणी

सुजनांची ती साथ मिळावी
मन बुद्धीचीहि जोड जुळावी
आरोग्याच्या सुगम संगती
आत्म वैभवी होवो क्रांती
रचना: हेमंत केतकर